اوغلان ايمام خيابانين دا مخابرات قاباغيندا تاكسي دان توشوب، خيابانين اوتاييندا، معليم پاركينا، گوروش قرارينا گئتمك ايستييردي كي تاكسي دان دوشركن قيزا گوزو ساتاشدي. سلاملاشيب بيرليكده يولا دوشودولر. هميشه كي ساياق دا دانيشيغين سونو قيز دئديي كيمي، "آموزش زبان تركي" يه يونله نير:

"آي بالا نئچه دفه دئميشم تركي يوخ توركي ، هله ياخجي سني توركجه دئمه يه مجبور ائلميرم" دييه ايكي سي ده گولورلر...

 

بير نئچه گون كئچديكدن سونرا:

-          الو

-          سلام ، نئجه سن؟

-          ساغ اول سن نئجه سن؟

-          ...

-          ياخجي ياديما توشدو كامپيوتريم ياخجي ايشله مير اونا بير باخ دا

-          كامپيوتر يوخ ، بيلگي سايار

-          ياخجي سن دئين اولسون، بيلگي سايار

قيز كونولسوزجه سينه بير داها تيكرار دئيير: بيلگي سايار ، بيلگي سايار

 

بير آي دان سونرا:

-          الو

-          سلام

-          سلام

-          دوستومون حنابنداني دي، بعد از ظهر گل داليمجا باهم گئداخ

-          يولداشيوين نمنه سي دي؟

-          اه بابا ياخجي دا، سن ده لاپ شورون چيخاتميسان، سيزين بو كلاس آموزشيز قوتولمادي؟

 

يازيق اوغلان گوشي ني قويوب و اوز يالنيزليغينا گئري دونور .

فریاده گلین سئوگیلی یاریم گئدیر الدن

آهو کیمی بیر تازه شیکاریم گئدیر الدن

صیاد اولالی سالدی منی صید کمنده

تاپدیم اوزومو اوندا کی واریم گئدیر الدن

تاپشیرسا تئلین بیرده اگر باد صبایه

سوکدوکجه صبا زولفو قراریم گئدیر الدن

او یاندیریجی نازلی باخیشلا منه باخما

باخدیقجا منه شعر و شعاریم گئدیر الدن

آز ناز ائیله چوخدا او قارا زولفه گوونمه

او زولفیوه اوخشار شب تاریم گئدیر الدن

قالدیم بئله حئیران او گوزل قامتی گورجک

ایندی یانیرام سروی باهاریم گئدیر الدن

داغلار مارالی داغدا گزه هر کسه خوشدور

قویما بو سهندین سسی اوجالسین کی ویقاریم گئدیر الدن

قاییت کئچمیشیم!

گل بیر داها خاطیرلایاق کئچمیشیمیزی

گونلرین اوتمه سینی

زامانین تلسمه سینی

و آیدین بیر گله جک گوزله دییمیزی

ایندی نه یازیق!

گله جک اولوبدو؟

یوخسا یوخ؟

داها گونلریمیز اوتمه یه قرار وئرمکده دیلر

اونلارلا بیرلیکده بیر سونسوزا دوغرو گئتمک زورونداییق

داها ساعتلر سانیه لردن توولو گئدیرلر

هادی! سن ده تْلْس!

آرتیق زامانین گئمه سینی سیئر ائتمه یه ماجال یوخ

دورمامالییق

دورارساق گئری قالمالییق

گئتمه لییک

بیر اوزون یوللار آردیندا

آیدین بیر گله جک بیزیم اولمالیدیر

آرتیق کئچمیشی خاطیرلاماق دئییل

یالنیز اونو قایتارمالییق

او آیدین گله جک بیزیم کئچمیشیمیزدیر

یئترلی قدر اونو سیئر ائدیب خاطیرلامیشیق

ایندی ایسه قایتارمالییق

قاییت کئچمیشیم!

تئز گل گله جه ییم!

يورويوب- يورويوب دره بويونجا
دوشوم چمن اوسته قوي، اوزو قويلو
اوپوم بو تورپاغي
اوپوم دويونجا
اوزومه اوز قويسون هر سويوق داشي
قوي شئهه قاريشسين گوزومون ياشي
قوروموش بولاقلار ايچير کونلومدن
دلي بير آغلاماق کئچير کونلومدن

آردی وار

 

وطن وار

هارداسا بو دمده

دريادا وطن وار

وارديرسا كومك سيز

فريادا چاتان وار

آردی وار

گؤزلرینه آلداندیغیم آنلارا لعنت اولسون

گؤزلرین بیر جاذیبه لی اویونجاق کیمی

آلدی منی مندن!

آردی وار

سن بیر مقدس سوزسن

بیر اوزلم آغیرلیغی

بیر تمیز احساس دویغوسو

آردی وار

ایلک دفعه گؤردویوم او گؤزلرینده

بیر یاشام گؤردوم

یام یاشیل

آردی وار